Ma’aq saam qai tastuluhlu,maisna haan Taivang silazan mungququma tu Bunun, ihaan Sihu sasaipuk minihumis tu Saviqludun tu sila asang, tupaun tu Saiku miqumis.
Ma’aq iti masuludun siin vanglaz tu dadangian,qaitu tis’uni qabasang saliladazu’an duma siduq saipuk a tinvaivi’in a dadangi’an siin is’ungququma.minsuuzin ata misdaukdaukin is’ukaan i mailantangus is’ungququma tu qansip.
Qabasang inaam tu maimadadaingaz maisna haan is’daza tu ludun,tun’lusqu munhaan bukzavan, maisna haan nanu tu is’ungququma, tis’uni tu muk’huvaiv i Koka tu dailaza,uvaivan pintasaun amin tu madanuq,ihaan 1960 tu painsanan pintasa’un amin tu madadanuq maitus masasanglav amin saduan, minsuzin amin a hiliu tu hi’hibulanin nii tu masial tu iu matas’i makusia.
Ihaan2013 tu painsanan, kitngaa musuqis makusia mailan tangus tu is’nguququma.tudip haiza tatini a minduduaz maisna nata musuqis mulumaq lasais madanuq, musasu madas asang tu taisis’aan makusia madingzav ukaan iu tu vunu madanuq.tudip, pakasainun慈心有機農業發展基金會(Tse-Xin Organic Agriculture Foundation) papidangaz masnava maku’aq maku’uni masaningsing tu is’ungququma, kitngaa kilim palaslun tani.
Muqna ihaan 2018 painsanan, mapiduldul malkabainu tu tastuluhlu, az’az sia amin binanau’az a kuzakuza musasu madailaz i, is’ungququma, madas masnava mainduduaz, talbinau’az muskun minang mungquma, ma’un, muskun sina’ima.
Tis’uni na’asa mapisial masunu iskuzakuzati, madas mungququma tu taisis’aan siin munhaan pasnanava’an masnava taqu tu maku’aq lakaulkaul quma pisial siin masuaz, ihaan 2026 painsanan ti utaluan i sinsaunaskal OECM tu pai’ia.
Saulaupaku maqtu’in madauzungin a dailaz,maqtu’in kan’anak maisna haan minang, masuaz, sauhaan sina’ima muskun ma’un, madia amin a maisnanata tu siduq samasqing latuza tai’insun.
Maupati masial tu sinkuzakuza maqtu min’uni kanadaan, maqtu suqaisunin a mailantangus is’ungququma tu taiklas, is’titpung haan duma tu dalaq siduq, pinqansiap, imita Bunn tuza aikit’vaian is’ungququma tu taiklas.
Translated into Bunun by Ma’ia Isinkaunan. Translation reviewed by Dr. Haisul Palalavi.
