Id Sabah, Borneo Malaysia, pipapaharo o koonduan tulun sandad do duo goos piniamung montok momogompi kopogisuayan mogiigion poimpasi id pomogunan, mamantang koubasanan tinungkusan om popoindalan do inovasi.
Kokoriu: momogompi mogisuusuai linsou
Id komuniti Dusun Kampung Tiong Karanaan, agirot pionitan do kopomogompian tana, linsou om gouton do koumoligan koposion diolo. Kokoriu i roitan nogi do ‘bekalan’ nopo nga goos diolo montok mogiuhup do manaananom id kabun, koonduan om sukod wagu do popogirot kasangalan diolo maya agroekologi, kosongonuan kopio di linsou, kopoingkakatan koburuon koluguanan om kopogonuan laba sandad.
Lugu toponsol nopo do kokoriu nga tinimungan linsou i kihontolon sabaagi liwang pambalajaran komuniti om longkod pomogompian. Suai ko mongintutun, monimung, popobibit om momogompi mogisuusuai linsou di tumimpuun tumalup id kooturan pananaman sandad, osiliu nogi do longkod pogialan-alanan do linsou. Mogiolon-olon do linsou nogi nga koponguhup do popotindohoi kopisuayan koubasanan tinungkusan moi amu atagak id nigitan sosongulun toiko paganakan momuumutanom.
Goos do Kokoriu pinotunud do puralan nigitan do Dusun roitan do *gompi guno* i kirati do “gunoon om tamangan”. Kotumbayaan diti mangakun do tulun om posorili sandad nopo nga mionit om nuru do mihuyud o kopomogunoon toud sandad do goos kopomogompian potilombus.
Dumowongi: koilaan koubasanan sandad om goos kawawagu
Pinoharo ontok di toun 2019, Dumowongi kirati do “Dumo owongi” minungkalad sumiliu pogonuan sosial binuruanan do tondu tulun sandad. Pinopiamung do kopoosilan potindohoi miampai goos kawawagu komuniti konuluhon Bundu Tuhan.
Translated into Dusun by Dr Linah Bagu.
